Standard (EADGBE)
Seit a boor Woch´n is er wie verändert,
Seit a boor Woch´n is er wieder jung.
Er flaggt im Ras´n hint´n in da Sonna
Und sogt, des arbat´n is mir vui z´dumm.
Er drogt Blue Jeans und de Hoor wachs´n eam ins Gnack,
Er strahlt über´s ganze G´sicht
Und die Kotlett´n drogt er wia da Elvis Presley,
I woas net, wos is mit mei´m Voda passiert?
Sei´ Auto hot er a scho lang nimma g´wasch´n,
Statt dem macht er jetz Yoga jed´n Dog um oans.
Er hot an Ohrring und a Baquan-Kett´n,
Ja und auf des is er so unheimlich stoiz.
Da Ras´n derf a nimma g´maht werd´n, er braucht Wildnis,
Hot er s´letzte moi am Nachbarn g´sogt
Und wie der bled daher g´redt hot, hot er sei Hos´n obe zog´n
Und eam an nackad´n Arsch umme zoagt.
Mei Voda hot an Marijuhana-Baam,
Seit dem is der Typ wieder völlig normal.
Mei Voda raucht jed´n Dog a Hand voi Schitt
Und i als braver Bua, i rauch natürlich mit.
Geh weita Buale hot er s´letzte moi g´sogt zu mir,
Hau di zura do, jetzt rauch ma uns g´scheit ei´.
Er hot an rot´n Libanes´n über´n Tisch umme G´schob´n,
I hob mir denkt, dass i´s nimma dakrei.
Und wie er zua war, wie a Nos´n im Winter,
Hot er sei´ Zitter, sei Zitter vira zarrt
Und einen Wahnsinns-Sound durch Reichahoi g´jogt,
Do ham se d´Ohrwaschl im Dreieck draht.
Er is a lustig´s Bürscherl word´n, mei´ Voda
Und a mei´ Großmuatta raucht fleißig mit.
Des war a Arbat, bis ma die so weit g´habt ham,
Aba zum Schluss hot sie´s dann doch kapiert.
Jetz wachs´n hint´ in unser´m Ras´n, wo da Voda Oiwei liegt
Marijuhana-Baam an Himme´ ´nauf
Und jed´n Dog in da Fruah siehst das steh´ de Zwoa,
Eingehüllt im blauen Rauch.
Mei´ Voda hot an Marijuhana-Baam,
Seit dem is der Typ wieder völlig normal.
Mei´ Voda raucht jed´n Dog an Eimer voi Schitt
Und i ois braver Sohn, i rauch natürlich mit.