Standard (EADGBE)
Bim Coiffeur bin i gsaesse vor em Spiegel, luege dry
Und gseh dert drinn e Spiegel wo ar Wand isch vis-a-vis
Und dert drin spieglet sech dr Spiegel da vor mir
Und i daem Spiegel widerum dr Spiegel hindefuer
Und so geng wyter, s'isch gsy win e laenge Korridor
I daem my Chopf gwuess hundertfach vo hinden und vo vor
Isch ufgreit gsy i eier Kolonne, z'hinderscht isch dr Chopf
I ha ne nuemme gchennt, so chly gsy win e Gufechnopf
My Chopf, dae het sich dert ir Wyti, stellet oeich das vor
Verloren ir Unaentlechkeit vom laenge Korridor
I ha mi saelber hinde gseh verschwinde, ha das gseh
Am heiterhaelle Vormittag und wi we nuet waer gscheh
Vor Chlupf han i mys Muul ufgscperrt, da sy im Korridor
Grad hundert Mueueler mit ufgange win e Maennerchor
E Maennerchor us mir alei, es cheibe gspaessigs Gfueel
Es metaphysischs Grusle het mi packt im Coiffeurgstueel
I ha d'Serviette vo mer grissen, ungschore sofort
Das Coiffeurgschaeft verla mit paar entschuldigende Wort
Und wenn dir findet i soett e chly meh zum Coiffeur ga
De choeit dir jitz verstah warum i da e Hemmig ha